Томуугийн A(H7N9) вирусын халдвараас сэргийлье

БНХАУ-ын Өвчний хяналт, сэр­гийлэлтийн төвд өнгөрсөн сарын 29-нд томуугийн A(H7N9) вирус илэрснийг БНХАУ-ын холбогдох албанд мэдээлжээ.

Энэ сарын 5-ны байдлаар томуугийн A(H7N9) вирусээр сэдээгдсэн хүний өвчлөлийн 14 тохиолдол бүртгэгдсэнээс зургаа нь нас баржээ. Энэ өвчин тусвал хал­уурах, ха­ниах шинж тэмдэг илэрч, хат­гаагаар хүндэрдэг аж.

-Томуугийн A(H7N9) вирус гэж юу вэ?

-Уг вирус нь ихэвчлэн гахай, шувуу гэх мэт амьтанд халдварладаг. Харин саяхан томуугийн A(H7N9) вирусын хүнд илэрсэн нь анхны тохиолдол юм.

-Уг вирус нь хүнээс хүнд халддаг уу?

-Яг энэ хугацаанд хүнээс хүнд халд­варладаг нь батлаг­даагүй байна. Халдварын эх уурхайг судалж байна. Хамгийн чухал нь дэгдэлтийн судалгааг цаашид хийх, эх уурхайг олох, дамжих зам, эмнэл зүй, урьдчилан сэргийлэлт, хяналт, арга хэмжээ авах талаар судалж байна.

-Манайхан томуугийн А/Н7N9/ вирусын халдвар авах эрсдэлтэй юу?

-Энэ хугацаанд хүнээс хүнд дамжин халдварладаг нь батлагдаагүй байна. Уг вирусын талаарх мэдээл­лийг Хятад улс ард иргэддээ түгээж, мэдээлж байна.

-А/Н7N9/ вирусын халдвараас урьдчилан сэргийлэх зөвлөгөө өгөөч?

-Өвчлөл бүр­тгэг­дсэн газар ну­тагт онцын шаард­лагагүй бол зор­­чихыг түр хой­ш­л­уу­лах хэрэг­тэй. Мөн хүн бүр хувийн ариун цэврийн дэглэм, хүнсний бүтээгдэхүүний эрүүл ахуйг сахиж, гараа бохирдсон тохиолдол бүрт сайтар саван­даж уг­аах ёстой. Шувууны гарал­тай бүтээг­дэхүүнийг бүрэн боловс­р­уулж хэрэг­лэх ба эр­үүл ах­уйн шаар­д­лага хангасан газраас худалдаж авах, үхсэн шувууны сэг зэмтэй харьцахгүй байх, шаардлагатай тохиолдолд мэргэжлийн бай­гууллагад мэдээлэх үүрэгтэй. Түүнчлэн биеийн эсэр­гүүцлийг сай­жруулах, аминдэмээр /витамин С, чацар­гана, аарц / баялаг хоол, хүнс хэрэглэх, гэр орондоо чийг­тэй цэвэр­лэгээ хийх, хоёр цаг ту­т­амд агаар­­жуу­лалт хийж байх хэрэгтэй. Харин том­уугийн шинж тэмдэг илрэх, халуурах, ханиах, амьсгалахад бэрх­шээлтэй болох шинж тэмдэг илэр­вэл эмчид хандах хэрэг­тэйг зөвлөж байна.